ფოთში წუხელ მოსული ძლიერი წვიმის შედეგად ნაბადის უბანი დაიტბორა , განსაკუთრებით მძიმე ვითარება შეიქმნა სამეგრელოს, სასანიასა და კოკაიას ქუჩებზე, აქ წყალი ეზოებსა და პირველ სართულებზე შევიდა და მოსახლეობას საყოფაცხოვრებო ნივთები და ტექნიკა დაუზიანა.
ისევე, როგორც რამდენიმე დღის წინათ მოსული წვიმისას, კვლავ გაითიშა ელექტროენერგია , რის გამოც უბანში მდებარე სატუმბმა სადგურმა გამართულად ვერ იმუშავა. ფოთის მერიაში აცხადებენ, რომ ნაბადის უბანის დატბორვა სწორედ ამან გამოიწვია, თუმცა ელექტროენერგიის მიწოდება გარკვეული ხნის შემდეგ აღდგა და სატუმბიც ამუშავდა. ამჟამად ქალაქის ყველა სატუმბი სადგური წესრიგშია.