ლევან კობიაშვილი ფეხბურთის ფედერაციის პრეზიდენტის არჩევნებზე თავის კანდიდატურას ხვალ დაარეგისტრირებს

0
526

ვეტერანმა ფეხბურთელმა ლევან კობიაშვილმა დღეს გამართულ შეხვედრაზე  საქართველოს უმაღლესი და პირველი ლიგის კლუბების წარმომადგენლებთან განაცხადა, რომ ის თავის კანდიდატურას ფეხბურთის ფედერაციის პრეზიდენტის პოსტზე ოფიციალურად ხვალ დაარეგისტრირებს.

,,. მიუხედავად იმისა, რომ ბევრ მათგანს ხმის მიცემის უფლება არ აქვს, ეს შეხვედრა ჩემთვის პრინციპულად ძალიან მნიშვნელოვანია.– განაცხადა კობიაშვილმა – მე ყოველთვის ვიყავი გუნდური მოთამაშე და მიმაჩნია , რომ გუნდური მუშაობის პრინციპი არის ყველაზე მნიშვნელოვანი. ამიტომაც მინდოდა მათთვის გამეცნო თუ როგორ წარმომიდგენია, როგორ ვხედავ მათთან ერთად ფეხბურთის კრიზისიდან გამოსვლის გზებს. 

შეგახსენებთ, რომ საქართველოს ფეხბურთის ფედერაციის პრეზიდენტის არჩევნები 3 ოქტომბერს გაიმართება.  ჯერ-ჯერობით ოფიციალურად ორი კანდიდატია დარეგისტრირებული  –  ფედერაციის გენერალური მდივანი რევაზ არველაძე და უეფას მედიაოფიცერი მამუკა კვარაცხელია.

წინა სტატიაენგურის შენაკადზე ნენსკრაჰესის მშენებლობა იწყება
შემდეგი სტატიასოფ. შამადელას მოსახლეობა ხელისუფლებისგან ყურადღებას ითხოვს [Video]
ტელეკომპანია ოდიშის საინფორმაციო სამსახური