8 ადამიანი დაიღუპა და 17 დაშავდა თურქეთის ჩრდილო-აღმოსავლეთ პროვინციაში, ართვინში ძლიერი წყალდიდობისა და მეწყრის შედეგად.
ართვინის პროვინციის გუბერნატორის ქემალ ჯირითის განცხადებით, ორშაბატს 12 საათიდან ართვინის სანაპირო ქალაქებში კოკისპირული წვიმა მოვიდა, რასაც წყლების ადიდება და მეწყერი მოჰყვა. მოვარდნილმა წყალმა მოგლიჯა ხეები, დატბორა ქუჩები და წყალი სახლებში შევარდა . პროვინციის რამდენიმე რაიონი ელექტროენერგიის გარეშე დარჩა. სტიქიამ, მეწყერმა განსაკუთრებით ხოფა დააზარალა, დაღუპულთა უმრავლესობა სწორედ აქაური მკვიდრია, არის მსხვერპლი კიდევ სამ სოფელში. ამ დრომდე ეძებენ სამ ადამიანს. ადგილზე სამაშველო სამსახურები მუშაობენ.