გამოცდების ეროვნული ცენტრი სპეციალურ განცხადებას ავრცელებს

0
414

ქულების გათანაბრებასთან დაკავშირებით გამოცდების ეროვნული ცენტრი სპეციალურ განმარტებას აკეთებს. 

"კიდევ ერთხელ განვმარტავთ, რომ 2014 წლიდან მინიმალური კომპეტენციის ზღვარი და, შესაბამისად, გამსვლელი "ნედლი" ქულა დგინდება გათანაბრების პროცედურის შემდეგ. რაც, თავისთავად გულისხმობს, რომ შესაძლებელია საგნის სხვადასხვა ვარიანტისათვის ზღვარი განსხვავებული აღმოჩნდეს. ეს ყოველივე დეტალურადაა განმარტებული ცენტრის ვებგვერდზე.

გათანაბრების პროცედურის შესახებ განთავსებული ინფორმაციიდან ისიც ნათლად ჩანს, რომ არაფერი საერთო  "ზღვრის თუ ქულების დაწევასთან" ამ პროცესს არ აქვს.

ვფიქრობთ, ნებისმიერი პიროვნებისთვის, ვინც არ დაიზარებს და წაიკითხავს ამ განმარტებას, ცხადი გახდება, რომ "ქულების დაწევის" შესახებ საუბარი სულ ცოტა არაკომპეტენტურია და უფრო მეტად აბნევს აბიტურიენტებსა და მათ მშობლებს," აღნიშნულია განცხადებაში.

წინა სტატიასაპროტესტო აქცია ფოთში
შემდეგი სტატია26 აგვისტოს ღამის საათებში რიკოთის გვირაბში ავტრანსპორტის მოძრაობა აიკრძალება
ტელეკომპანია ოდიშის საინფორმაციო სამსახური