ფოთში ამ დრომდე ინტენსიურად წვიმს, დატბორილია ცენტრალური ქუჩები. წყალმა მოსახლეობა დააზარალა. წვიმის შედეგად დაგროვილი და მოვარდნილი წყალი საცხოვრებელი სახლების პირველ სართულებზე შევარდა. დაზიანებულია საყოფაცხოვრებო ნივთები და ტექნიკა.
საათზე მეტხანს ქალაქის რამდენიმე უბანს ელექტროენერგია არ მიეწოდებოდა რის გამოც, ფოთში არსებული 7 სატუმბი სადგურიდან 2 გაითიშა.
ამ დროისთვის ქალაქში ელექტროენერგიის მიწოდება აღდგა და სატუმბებიც გამართულად მუშაობს.
სტიქიის ზონაში მობილიზებულები არიან სამაშველო სამსახურის თანამშრომლები.
დღეს საღამოს ძლიერი წვიმა იყო ანაკლიაშიც, მაგრამ სახლები და ქუჩები არ დატბორილა.გათიშულია ელექტროენერგია და მისი მიწოდება ამ დრომდე არ აღდგენილა.