შინაგან საქმეთა სამინისტროს საინფორმაციო-ანალიტიკური დეპარტამენტის მიერ გამოქვეყნებული სტატისტიკური მონაცემებით წელს ტურისტების რაოდენობა 9,5%-ით გაიზარდა, ივლისში ქვეყნის საზღვარი 737 696 უცხოელმა მოქალაქემ გადმოკვეთა. ტურისტები ძირითადად თურქეთიდან, სომხეთიდან, აზერბაიჯანიდან, რუსეთსა და უკრაინიდან შემოვიდნენ.
განსხვავებულ სტატისტიკაზე საუბრობენ ტურისტული კომპანიები, რომლებიც უცხოელ ტურისტებს სხვადასხვა რეგიონებში ტურისტულ მარშუტებს სთავაზობენ.მათი მტკიცებით, წინა წელთან შედარებით შიდა ტურების გაყიდვები საგრძნობლად შემცირებულია, რასაც ტურისტთა ნაკადის შემცირებით ხსნიან, გაყიდვები, საკვებ ობიექტებთან ერთად, სუვენირების მაღაზიებშიც მკვეთრად შემცირებულია.
უცხოელი სტუმრების სიმცირეს უჩივიან მაღალი კლასის სასტუმროებიც. ისინი ამბობენ, რომ წინა წლებთან შედარებით ტურისტთა ნაკადი საგრძნობლად შემცირებულია. ვიზიტორების მხრიდან მოთხოვნა მხოლოდ დაბალ კლასის ნომრებზეა.
ქვეყანაში ტურისტთა ნაკადის შემცირებას კომპანიები ხელისუფლების არასწორ პოლიტიკას უკავშირებენ