სინოპტიკოსები საქართველოში ამინდის გაუარესებას ვარაუდობენ. 24-25 აგვისტოს საქართველოს უმეტეს რაიონებში იწვიმებს, 25 აგვისტოს ღამით მოსალოდნელია ძლიერი წვიმა როგორც დასავლეთში, ისე აღმოსავლეთ საქართველოს ზოგიერთ რაიონში .
გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოროლოგიური სამსახურის ცნობით, წვიმა იქნება ხვალაც დასავლეთ და აღმოსავლეთ საქართველოს ზოგიერთ რაიონში
დასავლეთ საქართველოში დღეს და ხვალ დაბლობში ჰაერის მაქსიმალური ტემპერატურა 32 გრადუსი იქნება, 24 აგვისტოდან კი შედარებით აგრილდება და ჰაერის ტემპერატურა 25-28 გრადუსი იქნება.
არამდგრადი წვიმიანი ამინდები საქართველოში თვის ბოლომდე შენარჩუნდება.