წუხელ ამოვარდნილმა ქარიშხალმა, წვიმამ და ძლიერმა სეტყვამ მოსავალი გაუნადგურა ლაგოდეხისა და ყვარლის რამდენიმე სოფლის მოსახლეობას.განსაკუთრებით დაზარალდა სოფლები ბოლქვი, გიორგეთი, სადაც, ადგილობრივების თქმით, დაისეტყვა და წყალმა წალეკა მოსავლის 90 %.
დატბორილია საცხოვრებელი სახლების პირველი სართულები და სარდაფები, ქარის შედეგად მოგლეჯილი ხე კი ერთ-ერთ სახლს დაეცა. შემთხვევის შედეგად არავინ დაშავებულა.
რიგ სოფლებში დაზიანდა ელექტროგადამცემი ხაზები და მოსახლეობა დენის გარეშე დარჩა. . მოსახლეობას არ მიეწოდება გაზიც.
სტიქიის ზონებში საგანგებო სიტუაციათა სამსახურის წარმომადგენლები მუშაობდნენ. ადგილზე ბრიგადების ჩასვლა თბილისიდანაც გახდა საჭირო. დატბორილი სახლებიდან წყლის ამოტუმბვითი სამუშაოები მთელი ღამის განმავლობაში მიმდინარეობდა.
ძლიერმა ქარმა ლაგოხედი-ყვარლის დამაკავშირებელ ცენტრალურ მაგისტრალზე ხეები წააქცია, რის გამოც საავტომობილო მიმოსვლა შეფერხდა.მოსახლეობა ამბობს, რომ ასეთი სეტყვა რეგიონში წლებია, არ ყოფილა.