"ბიბისის" ცნობით, ჩრდილოეთ კორეაში "ნახევრად ომის მდგომარეობა" გამოცხადდა. ქვეყნის ლიდერმა კიმ ჩენ ინმა არმიას ომისთვის მზადყოფნის ბრძანება მისცა. ეს გადაწყვეტილება გუშინ სამხრეთ კორეის საზღვართან მომხდარ ორმხრივ სროლას მოჰყვა.
როგორც სეულში აცხადებენ, ცეცხლი თავდაპირველად ჩრდილოეთ კორეამ გახსნა. აღნიშნულს სამხრეთ კორეის მხრიდან საპასუხო ცეცხლი მოჰყვა. მომხდარის შემდეგ სეულმა სასაზღვრო რეგიონში მცხოვრები ადამიანების ევაკუაცია გამოაცხადა.
ბოლო რამდენიმე წლის განმავლობაში მხარეებმა ერთმანეთს არაერთხელ გაუხსნეს ცეცხლი. ჩრდილოეთ კორეას ამ დრომდე არაერთხელ განუცხადებია, რომ სამხედრო მოქმედებებს მიმართავს, თუ სეული ფხენიანის წინააღმდეგ პროპაგანდას არ შეწყვეტს.