ზუგდიდის რაიონის სოფელ ჭითაწყარში ავტოსაგზაო შემთხვევა მოხდა. “სოკარის” ბენზინგასამართ სადგურთან ერთმანეთს შეეჯახა ორი მიკროავტობუსი, რომელიც ურთიერთსაპირისპირო მიმართულებით მოძრაობდა.
არიან დაშავებულები, რომელთა გადაყვანა ზუგდიდის რეფერალურ სავადმყოფოში დროულად მოხდა. ექიმების თქმით, ამ დროისთვის მათი ჯანმრთელობის მდგომარეობა სტაბილურია.
შემთხვევის ადგილზე მობილიზებული იყო პოლიცია და სახანძრო– სამშველო ბრიგადა, ვინაიდან ერთ-ერთ მანქანაში დამონატებული გაზის აპარატურის აალების საშიშროება არსებობდა.
მომხდარ ფაქტთან დაკავშირებით გამოძიება მიმდინარეობს.