დაკავებულია უცხოელთა ჯგუფი დიდი რაოდენობით ნარკოტიკების საქართველოს გავლით ტრანზიტის ბრალდებით – ითქვა შინაგან საქმეთა სამინისტროში დღეს გამართულ სპეციალურ ბრიფინგზე – ისინი ქვეყნის გავლით 12 კილოგრამი ჰეროინის გადატანას ცდილობდნენ, დადგენილია ჯგუფის მიერ უკვე დაგეგმილი და ორგანიზებული მთელი მარშრუტიც.
„ დაკავებულთა შორის არიან ბრაზილიის, ეკვადორის, სამხრეთ აფრიკის, ლიბანის რესპუბლიკის მოქალაქეები, მათგან ოთხს 5 კ.გ. კოკაინი აღმოაჩნდა, ერთს კი, სარფის საბაჟო-გამშვებ პუნქტზე დაკავებულ ლიბანის რესპუბლიკის მოქალაქეს ხელჩანთაში არსებულ სპეციალურ სამალავში გადამალული ჰქონდა 7 კილო და 348 გრამი ნარკოტიკული საშუალება კოკაინი “ – განაცხადა შსს-ს ცენტრალური კრიმინალური პოლიციის დეპარტამენტის დირექტორმა, მიხეილ ძაგნიძემ.