მსოფლიო ჩემპიონატს ფეხბურთში აფხაზეთი უმასპინძლებს?

0
548

სააგენტო ,,აბხაზია ინფორმის’’ 18 აგვისტოს ცნობით, აფხაზეთის ჩემპიონატიც ჩატარდება და უფრო მეტიც, აფხაზეთი  უმასპინძლებს მსოფლიო ჩემპიონატს  ConIFA– 2016, რომელიც ტარდება  იმ ქვეყნებს შორის, რომელნიც არ შედიან ფიფა – ში. ეს ცნობილი გახდა რაულ ხაჯიმბასთან დე– ფაქტო აფხაზეთის  ფეხბურთის ფედერაციისა და ჩემპიონატში მონაწილე გუნდების ხელმძღვანელობების  შეხვედრის შემდეგ.

ადრე ვრცელდებოდა ინფორმაცია, რომ აფხაზეთის ჩემპიონატი შეჩერებულია ფინანსური პრობლემების გამო.

რაულ ხაჯიმბამ აღუთქვა შეხვედრის მონაწილეებს, რომ ჩემპიონატის დაფინანსება სრული მოცულობით მოხდება  და რომ ამასთან სახელმწიფო გამოყოფს სახსრებს ConIFA– ს მსოფლიო ჩემპიონატის  ჩატარებისთვის

,,აბხაზია ინფორმი’’ ამ ცნობას ავრცელებს  აფხაზეთის ფეხბურთის ფედერაციის პრეს–მდივნის მადინა ბგანბას მიერ მიწოდებულ ინფორმაციაზე დაყრდნობით, თუმცა პასუხგაუცემელია კითხვა, არის თუ არა საქმის კურსში ConIFA–ს ხელმძღვანელობა  და რა აძლევს საფუძველს ხაჯიმბას ასე კატეგორიული განცადებისთვის მაშინ, როცა შარშანდელ ჩემპიონატში აფხაზეთს, როგორც თვითაღიარებულ რესპუბლიკას და დე – იურე საქართველოს ნაწილს ოფიციალუირი თბილისის აქტიური პროტესტის გამო ამ ჩემპიონატში მონაწილეობაზე  უარი ეთქვა. 

წინა სტატიაჰილარი კლინტონი – სტივ უანდერის ფავორიტი აშშ-ის საპრეზიდენტო არჩევნებზე
შემდეგი სტატია23 წლის ბაიკერის დავით შამათავას მდგომარეობა კვლავ მძიმეა
ტელეკომპანია ოდიშის საინფორმაციო სამსახური