ლეგენდარულმა სტივ უანდერმა ამერიკელებისთვის სამი უფასო კონცერტი გამართა, ბოლო გამოსვლა მუსიკოსს ნიუ-იურკში, ცენტრალურ პარკში ჰქონდა. მომღერალმა მსმენელებისთვის ძველი ალბომებიდან ცნობილი ჰიტები შეასრულა და შესვენების დროს ამერიკელების მთავარ პრობლემაზე – იარაღის ტარებაზე საკუთარი მოსაზრება გააცნო. მომღერალი მიიჩნევს, რომ ყველა ადამიანი, რომელსაც ცეცხლსასროლი იარაღი აქვს, შესაბამის უწყებებში დარეგისტრირებული უნდა იყოს. მუსიკოსმა არც პოლიტიკა დაივიწყა, აშშ-ის პრეზიდენტობის კანდიდატებზე ისაუბრა და განაცხადა, რომ მისი ფავორიტი აშშ-ის 2016 წლის საპრეზიდენტო არჩევნებზე ჰილარი კლინტონია.