ანსამბლმა ერისიონმა ზუგდიდში კონცერტი გამართა. იუსტიციის სახლის მიმდებარე ტერიტორიაზე, ე.წ სკეიტპარკში შეკრებილ მაყურებლებს საშუალება ჰქონდათ საათნახევრის განმავლობაში თვალ-ყური ედევნებინათ ნაციონალური ცეკვებისა და სიმღერებისთვის. ანსამბლის სამხატვრო ხელმძღვანელმა ჯემალ ჭკუასელმა მაყურებლებს მადლობა გადაუხადა აქტიური დასწრებისთვის.
წელს ნაციონალური სიმღერისა და ცეკვის ანსამბლ ერისიონს 130 წელი, ხოლო მის ხელმძღვანელს ჯემალ ჭკუასელს 80 წელი შეუსრულდა. საიუბილეო თარიღთან დაკავშირებით ანსამბლი საქართველოს მაშტაბით ტურნეს მართავს.