საქართველო პატივს მიაგებს აგვისტოს ომის გმირს გიორგი ანწუხელიძეს. რომელსავ დღეს 31 წელი შეუსრულდებოდა.
მუხათგვერდის ძმათა სასაფლაოზე შეკრებილმა ახლობლებმა, ოჯახის წევრებმა და თანამებრძოლებმა კიდევ ერთხელ მიიღეს სამძიმარი ოფიციალური პირებისაგან, საზოგადოების წარმომადგენლებისგან, ყველა ქართველისაგან, ვისთვისაც ძვირფასია ქვეყნის ღირსება და თავისუფლება. საგლავზე გადახდილ იქნა გმირის სულის მოსახსენიებელი პანაშვიდი.
გიორგი ანწუხელიძის ხსოვნას პატივი მიაგეს და საფლავი გვირგვინით შეამკეს თავდაცვის სამინისტროს ამჟამინდელმა და ყოფილმა წარმომადგენლებმა, ერთიანი ნაციონალური მოძრაობის წევრებმა.
გმირს დღეს იხსენებენ თბილისშიც და რეგიონებშიც, ისინიც, ვისაც აქვს შესაძლებლობა მივიდეს მის საფლავთან და ისინიც, ვინც ვერ ახერხებს ამას, მაგრამ სიამაყის განცდითა და გულისტკივილით იხსენებს გმირის მოწამებრივი აღსასრულის ბოლო კადრებს