სფფ-ის საპრეზიდენტო არჩევნები 3 ოქტომბერს ჩატარდება

0
554
3 ოქტომბერი – ეს საქართველოს ფეხბურთის ფედერაციის პრეზიდენტის არჩევნების თარიღია. როგორც დღეს სფფ-ში გამართულ აღმასკომის სხდომაზე გახდა ცნობილი, არჩევნები თარიღის გამოცხადებიდან 40 დღეში უნდა გაიმართოს. „ყველაფერი არის იურიდიულად გამართული, არჩევნები 3 ოქტომბერს გაიმართება. ფედერაცია ელოდება კანდიდატების წარდგენას“ – განაცხადა ზვიად სიჭინავამ. მან ასევე დღეს კიდევ ერთხელ დააფიქსირა, რომ ფეხბურთის ფედერაციის საპრეზიდენტო არჩევნებში მონაწილეობის მიღებას არ გეგმავს. 
რაც შეეხება პრეზიდენტობის კანდიდატებს – მსურველებს განაცხადების წარდგენა უკვე ხვალიდან შეეძლებათ. განაცხადების მიღება კი არჩევნებამდე 25 დღით ადრე შეწყდება. არსებული ინფორმაციით, საკუთარი კანდიდატურის წარდგენას ფედერაციის ამჟამინდელი გენერალური მდივანი რეზი არველაძეც აპირებს. საუბარია ასევე მიხეილ ყაველაშვილის კანდიდატურაზეც. ცოტა ხნის წინ კი ფედერაციის პრეზიდენტობის სურვილი მერაბ ჟორდანიამაც გამოთქვა, რომელიც ამ თანამდებობაზე 1998-2003 წლებში მუშაობდა. ბოლო პერიოდში კი ლევან კობიაშვილის შესაძლო გაპრეზიდენტების შესახებაც ალაპარაკდნენ. არსებული ინფორმაციით, შალკეს ყოფილი ფეხბურთელი ხელისუფლების ფავორიტია და დიდი ალბათობით ფედერაციის პრეზიდენტის პოსტზე სწორედ მას ვიხილავთ.
წინა სტატიაზუგდიდში, რუსთავი 2-ის კონცერტი 30 აგვისტოს გაიმართება
შემდეგი სტატიაგაძვირდება თუ არა ელექტროენერგიის ტარიფი კვლავ საქართველოში?
ტელეკომპანია ოდიშის საინფორმაციო სამსახური