UEFA-ს სუპერთასის მატჩი თბილისში დღეს, 22:45 საათზე გაიმართება. დაგეგმილია საზეიმო გახსნითი ნაწილიც.

ამ დღესთან დაკავშირებით თბილისში უკვე ჩამოვიდნენ მაღალი რანგის სტუმრები, მათ შორის სხვადასხვა ქვეყნის წამყვანი პოლიტიკური ფიგურები, საფეხბურთო სამყაროს  ელიტის წარმომადგენლები და მათი უდიდებულესობა გულშემატკივრები. პრესაში გავრცელებული ბოლო ინფორმაციით, მატჩს დღეს თბილისში პრემიერ ღარიბაშვილის მოწვევით ჩამოსული – ესტონეთის პრემიერ მინისტრი ტაავი რიივასი და  რუმინეთის პრემიერ მინისტრი ვიქტორ პონტაც დაესწრებიან. 

როგორც პრემიერმა გუშინ  UEFA-ს პრეზიდენტის მიშელ პლატინისა და სუპერთასის მატჩის სტუმრების  პატივსაცემად გამართულ ოფიციალურ ვახშამზე აღნიშნა,  ,,UEFA-ს სუპერთასის მატჩის მასპინძლობა თბილისში, არის შესანიშნავი შესაძლებლობა საქართველოსა და ევროპისთვის და აგზავნის ერთობის ძლიერ მესიჯს მთელს კონტინენტზე ”