არასამთავრობო ორგანიზაციები "მედიის განვითარების ფონდი – MDF", "საქართველოს დემოკრატიული ინიციატივა – GDI", "საქართველოს რეფორმების ასოციაცია – GRASS" და "ტოლერანტობისა და მარავალფეროვნების ინსტიტუტი – TDI" რუსთავი2"-თან დაკავშირებით ერთობლივ განცხადებას ავრცელებენ. " ზოგადი პოლიტიკური კონტექსტიდან გამომდინარე , არსებობს საფუძვლიანი ეჭვი, რომ მთელი პროცესის მიღმა შეიძლება პოლიტიკური ინტერესი იკვეთებოდეს – ნათქვამია განცხადებაში – ეს ეჭვები ხელისუფლების წარმომადგენლების არაერთი განცხადებით კიდევ უფრო მყარდება. საქართველოში მედიის თავისუფლების და პლურალიზმის განვითარებისათვის აუცილებელია, ამ ეჭვის გაქარწყლება, რისთვისაც პროცესი მაქსიმალურად გამჭვირვალედ და მიუკერძოებლად უნდა წარიმართოს და ტელეკომპანიის ნორმალურ ფუნქციონირებას ხელი არ შეეშალოს. მოვლენების ასეთი განვითარება განსაკუთრებით სახიფათო შეიძლება, აღმოჩნდეს 2016 წლის საპარლამენტო არჩევნების წინა პერიოდში, რა დროსაც სამართლიანი და თანაბარი საარჩევნო გარემოს უზრუნვესაყოფად პლურალიზმს და მოსაზრებათა მრავალფეროვნებას დემოკრატიული პროცესისთვის გადამწყვეტი მნიშვნელობა აქვს", – ნათქვამია არასამთავრობო ორგანიზაციების მიერ გავრცელებულ ერთობლივ განცხადებაში. 

არასამთავრობო ორგანიზაციები მხარდაჭერას გამოხატავენ საქართველოში მედიის თავისუფლების მიმართ და აცხადებენ, რომ ყურადღებით დააკვირდებიან მოვლენების განვითარებას "რუსთავი 2"-ის ირგვლივ.