„რუსთავი 2-ის საქმე არის ეგზისტენციალურად მნიშვნელოვანი ქართული დემოკრატიის არსებობისთვის. ამიტომ, ნებისმიერი მოსამართლე, რომელიც ხელს მოაწერს უკანონო გადაწყვეტილებას რუსთავი 2-ის სამეზე, ხელს მოაწერს საკუთარ პროფესიულ სიკვდილს. ამიტომ ყველას ვურჩევდი, რომ ეს არ გაეკეთებინა“ – განცხადება სამაუწყებლო კომპანია რუსთავი 2-ის დირექტორმა ნიკა გვარამიამ არხის ქონების დაყადაღების პასუხად გააკეთა. ტელეკომპანიის კუთვნილი ავტომობილები აღსრულების ეროვნულმა ბიურომ ბიზნესმენ ქიბარ ხალვაშის სარჩელის საფუძველზე დააყადაღა. მიიღებს თუ არა ბიზნესმენის სარჩელს სასამართლო წარმოებაში და დაიწყება თუ არა სამაუწყებლო კომპანიასთან სამართლებრივი დავა, ორშაბათს გახდება ცნობილი. თავად რუსთავი 2 აღნიშნულ გადაწყვეტილებას ქონების დაყადაღების შესახებ სასამართლოში გაასაჩივრებს. ბიზნესმენი ქიბარ ხალვაში სამაუწყებლო კომპანია რუსთავი 2-ის წილის დაბრუნებას ითხოვს. ამ დრომდე ქონების დაყადაღების შესახებ კომენტარი არ კეთდება აღსრულების ეროვნულ ბიუროში.
ნიკა გვარამია: “მოსამართლე, რომელიც ხელს მოაწერს უკანონო გადაწყვეტილებას, მოაწერს ხელს საკუთარ პროფესიულ სიკვდილს”
Published on