დღეს ზუგდიდის რეფერალურ ჰოსპიტალში "სამედიცინო კორპორაცია ევექსის" ორგანიზებით, კარდიოლოგიური პრობლემების, გულის თანდაყოლილი და შეძენილი მანკების მქონე ბავშვებს უფასო სამედიცინო კონსულტაციები და კარდიოექოსკოპიური კვლევები ჩაუტარდებათ.
"ევექსის" ინფორმაციით, კონსულტაციებს ჩაატარებენ თბილისიდან მოწვეული, იაშვილის სახელობის ბავშვთა საავადმყოფოს კარდიოლოგები.
ექიმებთან მიღება დაიწყება11:00 სთ–ზე და გაგრძელდება18:00 სთ–მდე.
აგვისტოს ბოლოს თბილისში ჩამოდიან იტალიელი კარდიოქირურგები, რომლებიც ქართველ ექიმებთან ერთად იაშვილის სახელობის ბავშვთა საავადმყოფოს კარდიოქირურგიის განყოფილებაში, გულის მანკების მქონე ბავშვებში ოპერაციებს ჩაატარებენ.