აზერბაიჯანული გამოცემა აპა.ეკონომიკსი სოკარის პრეს სამსახურის ცნობაზე დაყრდნობით  ავრცელებს ინფორმაციას, რომ   ბაქო-თბილისი-ერზრუმის გაზსადენზე აფეთქება მოხდა.  

აფეთქების ადგილად თურქეთის  პროვინციის ყარსის სარგამიშის რაიონი სახელდება. ამ ადგილას გაზსადენი ტყეშია გაყვანილი და იყო საშიშროება  აფეთქებას  ტყის ხანძარი გამოეწვია, თუმცა, ცეცხლის ლოკალიზება მალევე მოხერხდა და    ზარალიც  დიდი არ არის –  რეგიონში გაზის მიწოდება მხოლოდმცირე ხნით შეფერხდა. 

 კონტროლს გაზსადენის იმ მონაკვეთზე, სადაც  აფეთქება მოხდა, თურქეთის მხარე ახორციელებს, კერძოდ  კომპანია ბოტასი, რომლის განცხადებით, აფეთქებამდე 8-9 საათით ადრე მოცემულ მონაკვეთში გაზის გატარება შეჩერებული იყო გეგმიური სარემონტო სამუშაოების გამო. ეს რომ არა,აფეთქების შედეგები მეტად საზიანო იქნებოდა და ახლომდებარე დასახლებებსაც შეეხებოდა – ადგილობრივების თქმით, აფეთქების ხმა 20 კილომეტრის რადიუსში გაიგონეს  და ცეცხლის ალი დიდი მანძილიდანაც ჩანდა. 

 მომხდარის შესახებ დაწყებულია გამოძიება.   ყარსის გუბერნატორი გუნაი ოზდემირი აცხადებს, რომ  მიმდინარეობს აღდგენითი სამუშაოები და დროებითი შეფერხება რეგიონში გაზის მიწოდებაში  მალევე აღმოიფხვრება.