ჯანდაცვის მინისტრი დავით სერგეენკო გამოეხმაურა ერთიანი ნაციონალური მოძრაობის განცხადებას იმასთან დაკავშირებით, რომ მის მიერ ინიცირებულმა სოციალურად დაუცველთა აღწერის ახალმა მეთოდოლოგიამ შემწეობის გარეშე დატოვა უკიდურეს სიღარიბეში მცხოვრები ათეულ ათასობით ადამიანი.
მისი განცხადებით, სოციალური შემწეობის მიმღებთა რაოდენობა მუდმივად იცვლება, ასევე იცვლება შეფასებების სისტემაც.
„სოციალური დახმარების მიმღებ პირთა რაოდენობის შემცირების პიკი იყო 2012 წლის არჩევნების წინ, თუმცა შეფასების სისტემა ცვლილებებს განიცდიდა – 2012 წლამდეც და მას შემდეგაც გამჭვირვალობის ხარისხის ამაღლების მიზნით. რაც შეეხება ბავშვების მინიმალურ, ათლარიან დახმარებას, ეს მექანიზმი 1 ივნისიდან შევიდა ძალაში და მოქმედებს,“ – განმარტა მან.
შეგახსენებთ, რომ ზურაბ ჭიაბერაშვილის თქმით, სერგეენკოს უწყებამ სოციალურად დაუცველთა როაოდენობა 128 ათასი ადამინით შეამცირა, შემწეობა მოეხსნა 30 ათას პენსიონერსაც რომლებიც ჭიაბერაშვილის მტკიცებით უკიდეურეს სიღარიბეში ცხოვრობენ.