რუსეთის პრეზიდენტმა ვლადიმერ პუტინმა რუსეთის ახალი საზღვაო დოქტრინა დაამტკიცა.
დოქტრინის ახალ რედაქციაში, რომელიც კრემლის ოფიციალურ გვერდზეა გამოქვეყნებული, ასახულია რუსეთის უარყოფითი დამოკიდებულება ნატოს გეგმებისადმი, რაც ალიანსის სამხედრო ინფრასტრუქტურის რუსეთის საზღვრებამდე მიახლოებას უკავშირდება.
"რუსეთის ფედერაციისთვის მიუღებელი რჩება, მის საზღვრებთან ალიანსის სამხედრო ინფრასტრუქტურის განთავსების გეგმა და ამისათვის გლობალური დანიშნულების მიცემის მცდელობა"– წერია დოკუმენტში.
რუსეთის მიერ საზღვაო დოქტრინაში შეტანილ ცვლილებებს უშულოდ საქართველოსა და მსგავსი ქვეყნების წინააღმდეგ გადადგმულ ნაბიჯად მიიჩნევენ თბილისში.
ანალიტიკოსები ამბობენ, რომ ეს რუსეთის მხრიდან სადაზვერვო ქმედებაა, რომელსაც დასავლეთის მხრიდან რეაგირება უნდა მოჰყვეს.