საქართველოში ევროსაბჭოს პრეზიდენტი დონალდ ტუსკი ჩამოდის

0
498

დღეს საქართველოში   ევროპული საბჭოს პრეზიდენტი დონალდ ტუსკი ჩამოდის. ვიზიტი იმართება გიორგი მარგველაშვილის მოწვევით. ეს არის დონალდ ტუსკის პირველი ვიზიტი საქართველოში ევროპული საბჭოს პრეზიდენტის რანგში. ვიზიტს უაღრესად დიდი მნიშვნელობა ენიჭება, განსაკუთრებით რუსეთის ფედერაციის იმ ქმედებების ფონზე, რომელიც საოკუპაციო ზოლის კიდევ ერთხელ გადმოწევას უკავშირდება.

ირველი შეხვედრა პრეზიდენტის სასახლეში შედგება. ლიდერები ერთმანეთს ჯერ პირისპირ, შემდეგ კი გაფართოებულ ფორმატში შეხვდებიან.  მათი საუბრის მთავარი თემა  უშუაალოდ საოკუპაციო ხაზთან უკანასკნელ დღეებში შექმნილი ვითარება და საზოგადოდ ოკუპირებულ ტერიტორიებზე არსებული მდგომარეობა იქნება.  შეხვედრისას ასევე განიხილავენ საკითხების ფართო სპექტრს, რომელიც საქართველო-ევროკავშირის ურთიერთობას, ასოცირების დღის წესრიგის შესრულებას, და ზოგადად, რიგის სამიტის შედეგების იმპლემენტაციასა და საქართველოს ევროპულ პერსპექტივას უკავშირდება. უდიენციის შემდეგ გიორგი მარგველაშვილი და დონალდ ტუსკი გამართავენ ერთობლივ პრესკონფერენციას, ხოლო ხვალ, ვიზიტის მეორე დღეს    სიტყვით მიმართავენ საქართველოს სამშვიდობო კონტიგენტს, რომელიც  ცენტრლური აფრიკის რესპუბლიკაში  ასრულებს მისიას.

ორდღიანი ვიზიტის ფარგლებში  დონალდ ტუსკი შეხვედრებს გამართავს ასევე  პრემიერ- მინისტრთან, პარლამენტის თავმჯდომარესთან და ოპოზიციური პოლიტიკური პარტიების ლიდერებთან.

ევროპული საბჭოს პრეზიდენტი საქართველოდან  21 ივლისს გაემგზავრება. 

როგორც ცნობილია ევროპის საბჭოს პრეზიდენტის ვიზიტი საქართველოში 14-16 ივლისს იყო დაგეგმილი და საბერძნეთის კრიზისის გამო გადაიდო.

 

 

წინა სტატიაარსებული ინფორმაციით, შსს -მ ლელა წურწუმიას მეუღლე ნარკოტიკების შემოტანის ფაქტზე დააკავა
შემდეგი სტატიამერკელმა გამორიცხა საბერძნეთისთვის ვალების სრული ჩამოწერა
ტელეკომპანია ოდიშის საინფორმაციო სამსახური