დღეს დილით თბილისში, სპორტის სასახლის უკან, აფაქიძის ქუჩაზე მდებარე გამოთვლითი მათემატიკის ინსტიტუტის ყოფილი შენობის დემონტაჟის დროს ჩამოინგრა რამდენიმე სართული, ნგრევა მეოთხე სართულიდან დაიწყო და პირველამდე ჩააღწია. ნანგრევებმა ქვეშ დაიტანა ადამიანები, დაღუპულია სამი ადამიანი, რომელიც მშენებლობაზე მუშაობდა. კიდევ ერთი მუშა მძიმედ არის დაშავებული და საავადმყოფოშია გადაყვანილი
საგანგებო სიტუაციების მართვის დეპარტამენტის ცნობით, ნანგრევებიდან სამივე ცხედარი ამოყვანილია . მომხდარზე გამოძიება დაწყებულია.
შენობა ცოტა ხნის წინ გასხვისდა – იგი „ტიფლის ბიზნეს ცენტრმა “ შეისყიდა. კომპანია აქ მრავალსართულიანის სასტუმროს აშენებს.