ანაკლიაში, ბავშვთა და ახალგაზრდობის ეროვნული ცენტრის პროგრამა „მომავლის ბანაკი“ საზეიმოდ გაიხსნა.ბანაკს მოსწავლეების პირველი ნაკადი ესტუმრა. პროექტის მიზანია სხვადასხვა სახის კულტურულ-საგანმანათლებლო და გასართობ-შემეცნებითი ღონისძიებების საშუალებით საქართველოში და მის გარეთ მცხოვრები ახალგაზრდების აქტიური დასვენებით უზრუნველყოფა, მათთვის არაფორმალური განათლების მიღების შესაძლებლობა, ფიზიკური, სულიერი და ინტელექტუალური პოტენციალის ამაღლება, სოციალური ინტეგრაციის, ჯანსაღი ცხოვრების წესის პოპულარიზაცია და საქართველოში მცხოვრები ეთნიკური უმცირესობების ინტეგრაციის ხელშეწყობა. ახალგაზრდული ბანაკის ოფიციალუირ გახსნას სპორტისა და ახალგაზრდობის მინისტრი ტარიელ ხეჩიკაშვილი, განათლების მინისტრი თამარ სანიკიძე, სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების წარმომადგენლები დაესწრნენ.სასკოლო სპორტული ოლიმპიადის ფინალური ეტაპის აღსანიშნავად ბანაკში ოლიმპიური ჩირაღდანი ზუგდიდის მუნიციპალიტეტის გამგებელმა ედიშერ თოლორაიამ შემოიტანა და ოლიმპიური ცეცხლი აანთო .ღონისძიება მომავლის ბანაკის ოფიციალური ჰიმნით და ფეიერვერკებით დასრულდა.