ათასამდე მეხანძრე-მაშველი, მათ შორის განსაკუთრებულ დავალებათა დეპარტამენტის 200-კაციანი შემადგენლობა მონაწილეობს მდინარე მტკვარში მიმდინარე საძიებო სამუშაოებში. ადგილზე მუშაობს თბილისის მერიის მიერ გამოყოფილი მძიმე ტექნიკა.მაშველები 13 ივნისის სტიქიის შედეგად დაკარგულ პირებს ეძებენ. სამუშაოების გასამარტივებლად ჰესიდან გაშვებულიაწყალი,მინიმუმამდეა დაწეული მდინარის დონე.
განსაკუთრებული სიტუაციების მართვის სააგენტოს ცნობით, მტკვრის დონის დაწევას თბილისსა და მის მიდამოებში მოჰყვა წყლის დონის აწევა ქვემო ქართლშის მონაკვეთში, თუმცა ეს არ ქმნის რაიმე საფრთხეს რეგიონში.
დაკარგული პირების პოვნა ჯერაც ვერ ხერხდება.ამ დროისათვის მაშველებმა მტკვრის კაპლაპოტსა და სანაპიროზე მხოლოდ რამდენიმე მკვდარი ცხოველი შენიშნეს, მათ შორის დათვი და ძაღლები.