დარჩელის მოსახლეობა ადგილობრივი ხელისუფლებისგან დახმარებას ითხოვს. სოფლის მაცხოვრებლები ამბობენ, რომ სასწრაფო წესით გასაკეთებელია ნაპირსამაგრი ზოლი. ტელმანის უბნის ამ ტერიტორიაზე მდინარე ხანგრძლივი და ზლიერი წვიმების შედეგად მდინარე ჯუმმა კალაპოტი გაარღვია, მოვარდნილი ღვარც\ოფი კი მოსახლეობას საყანე ტერიტორიაზე უვარდება. მოსახლეობის განმარტებით, ყოფილა შემთხვევა, როცა მოვარდნილმა წყალმა წვრილფეხა და მსხვილფეხა ცხოველები აზარალა. გასული კვირის განმავლობაში მოსულმა ჭარბმა ნალექმა კი ტერიტორიას სერიოზული ზიანი მიაყენა. ადგილობრივები ხელისუფლებისგან პრევენციული ღონისძიებების გატარებას ითხოვენ.აღნიშნულ პრობლემას და ტელმანის უბნის მოსახლეობის აქციას ადგილზე გამოეხმაურა პარტია „ბურჯანაძე-ერთიანი ოპოზიციის“ ზუგდიდის ორგანიზაციის ხელმძღვანელი. გოგიტა გიგვავას განცხადებით, ადგილობრივი ხელისუფლება პრობლემით თუ არ დაინტერესდა და სათანადო ზომები არ მიიღო, შეიძლება აღნიშნულმა სავალალო შედეგებამდე მიიყვანოს დარჩელის მოსახლეობა.აღნიშნულთან დაკავშირებით ტელეკომპანია „ოდიშმა“ ზუგდიდის მუნიციპალიტეტის გამგეობას მიმართა. გამგებლის საზოგადოებასთან და მედიასთან ურთიერთობის სამსახურის უფროსის მაია ღურწკაიას განმარტებით, პროექტი მზადაა და აღნიშნული სამუშაოები მალე დაიწყება.ტელმანის უბნის მოსახლეობა დროულ რეაგირებას ითხოვს, მათი თქმით, თუ სამუშაოები დროულად არ შესრულდება, მოვარდნილი ჯუმისწყალი ტერიტორიას და მოსახლეობას მნიშვნელოვან ზიანს მიაყენებს.