საქართველოს პრემიერ-მინისტრმა მთავრობის ადმინისტრაციაში, საგანგებო შტაბის დღევანდელ სხდომაზე პრეზიდენტ გიორგი მარგველაშვილს შუამდგომლობით მიმართა. ირაკლი ღარიბაშვილი გამოდის ინიციატივით, გამორჩეული მაშველები, პოლიციელები თუ სხვა თანამშრომლები, ასევე მოხალისეები, რომლებმაც განსაკუთრებული გმირობა გამოიჩინეს თბილისში ბოლო დღეებში განვითარებული მოვლენების დროს, სპეციალური სახელმწიფო ჯილდოებით დაჯოლდოვდნენ. "მივმართავ პრეზიდეტს შუამდგომლობით, მას შემდეგ, რაც ამ ადამიანების სიას წარმომიდგენთ", – მიმართა ღარიბაშვილმა ანტიკრიზისული საბჭოს წევრებს.