ზუგდიდში, ახალსოფლის რეაბილიტირებულ შენობაში დევნილთა ჩასახლების პროცესი დაიწყო.დილიდან სპორტკომპლექსის შენობაში იმ დევნილთა კენჭისყის პროცესი მიმდინარეობდა, რომლებმაც აპლიკაციები შეავსეს მითითებულ მისამართზე. ახალსოფლის ყოფილი სკოლა-ინტერნატის გარემონტებულ შენობაში ბინა იმ 42 დევნილ ოჯახს გადაეცა, რომლებსაც შესაბამისი ქულა მიენიჭათ კრიტერიუმების გათვალისწინებით.უკმაყოფილებას გასმოთქვამს ვარდო ჩარგაზია, რომელიც 23 წელია სოფ ოქტომბრის საბავშვო ბაღში ცხოვრობს, კომისიამ მას 8 ქულა მიანიჭა, თუმცა არც თაბუკაშვილის ქუჩაზე და არც ახალსოფლის კორპუსში ბინა არ ერგო.ბინების გაცემის პროცესს არასამთავრობო ორგანიზაციების წარმომადგენლებიც აკვირდებიან, „სამეგრელოს ხმის“ წარმომადგენელი თეონა ქარდავა აღნიშნავს, რომ არიან უკმაყოფილო დევნილებიც, თუმცა ყველა მათგანი აუცილებლად დაკმაყოფილდება ფართით.გარდა ამ ბინებისა, დანიის ლტოლვილთა საბჭო დევნილებს 500 ევროს ოდენობით დახმარებასაც დაპირდა, იმ შემთხვევაში, თუ ისინი შეიმუშავებენ მცირე ბიზნესგეგმას. შეგახსენებთ, რომ მარტის თვეში დევნილებმა ბინები თაბუკაშვცილის ქუჩაზე მიიღეს, მაშინ საცხოვრებელი ფართით 320 ოჯახი დაკმაყოფილდა.