ზუგდიდის კულტურის სახლ ოდიშის დარბაზში დღეს პარტია ეროვნულების სამეგრელოს  დამფუძნებელი ყრილობა ჩატარდა. შეხვედრას სამეგრელოს ყველა რაიონიდან ეროვნული მოძრაობის წევრები, ზვიად გამსახურდიას მხარდამჭერები, ყოფილი პრეფექტები და ეროვნული გვარდიის წევრები ესწრებოდნენ. ყრილობის დაწყებამდე საზოიგადოებისთვის ნაჩვენები იქნა ცნობილი სკანდალური ფილმი „სააკაშვილის რეჟიმის სისხლიანი ქრონიკა“, რომელიც ყოფილი ხელისუფლების ცხრაწლიან მმართველობას ასახავს, ხოლო დარბაზის ფოიეში გამოფენილი იყო ფოტოები აღნიშნული ფილმიდან. ყრილობა პოეტმა ლია ნაროუშვილმა გახსნა. დარბაზში ეროვნული მოძრაობის მხარდამჭერებთან ერთად იმყოფებოდა ქართული ოცნების პოლიტიკური საბჭოს წევრი ლაშა გვასალია, ასევე ბუტა რობაქიძის დედა ია მეტრეველი და ქართული ოცნების მხარდამჭერები. მოგვიანებით ყრილობის მონაწილეებმა ქალაქის ცენტრში გადაინაცვლეს და  გვირგვინით შეამკეს საქართველოს პირველი პრეზიდენტის ზვიად გამსახურიას მემორიალური ძეგლი. მათთან ერთად იმყოფებოდა ლტოლვილთა და განსახლების მინისტრის მოადგილე სანდრო ბრეგაძე. მისი თქმით, მოძრაობის მიზანია მოხდეს ეროვნული მოძრაობის იმ წარმომადგენლების გაერთიანება, რომლებიც კანონიერი ხელისუფლების გვერდით იბრძოდნენ. დღევანდელი ყრილობის ბოლოს ეროვნულებმა საქართველოს ძველი, შინდისფერი დროშებით მსვლელობა მოაწყვეს