საქართველოს იურისტთა ასოციაციის ზუგდიდის ოფისის ორგანიზებით სამოქალაქო საზოგადოების, მედიის წარმომადგენლებთან და აქტიურ მოქალაქეებთან პროექტის „ინფორმირებული მოქალაქეები საჯარო სამსახურში“ ფარგლებში ეროვნულ-დემოკრატიული ინსტიტუტის ფინანსური მხარდაჭერით  შეხვედრა გაიმართა. საუბარი შეეხო ადგილობრივი თვითმმართველობის არსსა და კომპეტენციას, აქტიური მოქალაქეობის პრინციპზე და წარმატებული ადვოკატირების კამპანიის განხორციელების კომპონენტებს. შეხვედრაზე გამოკვეთილ იქნა ის პრობლემები, რომელიც ყველაზე მეტად აწუხებთ დღეს ქალაქ ზუგდიდის მუნიციპალიტეტის მოსახლეობას. პროექტის მიზანია ცნობიერების ამაღლების კამპანია, შეხვედრები მოსახლეობასთან და პრობლემის იდენტიფიცირება, საჯარო შეხვედრები თვითმმართველობის წარმომადგენელთა ჩართულობით და რეკომენდაციების შემუშავება.პროექტის მეორე ეტაპზე ჩაერთვებიან ადგილობრივი თვითმმართველობის წარმომადგენლები და შეხვედრის დროს აქტიური მოქალაქეები წარმოადგენენ მათთვის პრიორიტეტულ პრობლემებს და მოხდება ამ საკითხების ადვოკაცია. პროექტის დასასრულს კი გაანალიზდება პროექტის განხორციელებისას მიღებული შედეგები.