ამერიკის დღეები დღეს ზუგდიდიდან დაიწყო.ერთი კვირის განმავლობაში ამერიკის საელჩო ამერიკულ ხმოვანებას, სანახაობასა და ენერგიას საქართველოს რამდენიმე ქალაქში ჩაიტანს. ამერიკის დღეები საზოგადოებას ამერიკულ კულტურასა და საქატრთველოში ამერიკის მხარდაჭერილ პროგრამებს გააცნობს.ამერიკის დღეების ფარგლებში საინფორმაციო გამოფენა გაიხსნა იუსტიციის სახლთან მდებარე პარკში, ასევე გაიმართა ამერიკული ბენდის „დეინჯერფლოს“ ცოცხალი კონცერტი. ამერიკის დღეები ზუგდიდში ამერიკის ელჩმა რიჩარდ ნორლანდმა გახსნა, მან სტუმრებს ეს დღე მიულოცა და ასევე აღნიშნა, რომ მას ელჩობის ვადა  ვადა ამოეწურა და საქართველოს მალე დატოვებს.საინფორმაციო გამოფენაზე სტუმრებმა მიიღეს ინფორმაცია აშშ-ის გაცვლითი საგანმანათლებლო პროგრამებისა  და იმ პროექტების შესახებ, რომელსაც ამერიკის მთავრობა საქართველოში ახორციელებს. ამერიკის დღეები 3 და 4 ივნისს ახალციხესა და გორში აღინიშნება, 6 ივნისს კი თბილისში დასრულდება.