დღეს გაიმართა საქართველოსპარლამენტის თავდაცვისა და უშიშროების კომიტეტის თავმჯდომარის, ნატო-ს საპარლამენტო ასამბლეაში საქართველოს დელეგაციის ხელმძღვანელის ირაკლი სესიაშვილის ბრიფინგი, რომელიც მიეძღვნა ნატო-ს საპარლამენტო ასამბლეის მე-60 სხდომის შედეგებს .
სხდომა გაიმართა15-18 მაისს,ბუდაპეშტში და მასზე მიღებულ იქნა დეკლარაცია, რომელიც წარმოადგენს მოწოდებას ალიანსის წევრი სახელმწიფოები სმთავრობებისა და პარლამენტებისადმი მხარი დაუჭირონ საქართველოსთვის ნატოში გაწევრიანების სამოქმედო გეგმის მინიჭების საკითხს.
ირაკლი სესიაშვილმა ხაზგასმით აღნიშნა, რომ საქარტველოს დელეგაციის წევრების ძალისხმევით დეკლარაციაში შევიდა ახალი პუნქტი, რომლის თანახმად, ნატო-ს გაფართოების პროცესი მესამე ქვეყნის გავლენის ქვეშ არ უნდა მოექცეს. მისი შეფასებით, დეკლარაციის ამ სახით მიღება მეტად მნიშვნელოვანია საქართველოს წინსვლისთვის ნატოში გაწევრიანების გზაზე.
მნიშვნელოვანია, რომ დეკლარაცია თითქმის ერთხმად იქნა მიღებული, მას მხარი დაუჭირეს გერმანიამ, საფრანგეთმა და დიდმაბრიტანეთმაც- აღნიშნა ირაკლი სესიაშვილმა.
ნატო-ს საპარლამენტო ასამბლეაზე საქართველოს დელეგაციის შემადგენლობაში სხვებთან ერთად იყვნენ არასაპარლამენტო ოპოზიციის წარმომადგენლები გიორგი ბარამიძე და ირაკლი ჩიქოვანი .