„ ბატონო პრეზიდენტო, დაუთმეთ ავლაბრის რეზიდენცია საქართველოს სამოციქულო ეკლესიას“- მიმართავს ,,ასავალ – დასავალის" ფურცლებიდან ეკონომისტი ანზორ ბაბუხადია გიორგი მარგველაშვილს და აღნიშნავს, რომ უმჯობესი იქნება თუ პრეზიდენტის სასახლეში პატრიარქის რეზიდენცია განთავსდება.მისი თქმით, სამების ეკლესიის გარშემო ტერიტორია ამორტიზებული სახლების, სავაჭრო და საყოფაცხოვრებო ობიექტებისგან უნდა გათავისუფლდეს და აღნიშნულ ადგილზე უნდა შეიქმნას მინი ქალაქი.
.„ჩვენ სამების ეკლესიის გარშემო უნდა შევქმნათ სამუზეუმო-საეკლესიო სივრცე, სადაც ქართული სულიერება და კულტურა იქნება წარმოჩენილი და სადაც აბსოლუტურად ყველა ჩვენი უცხოელი სტუმარი მივა და აღფრთოვანებული დარჩება, როგორც ჩვენი ისტორიით, ასევე თანამედროვეობით. მნიშვნელოვანია, რომ ეს ინიციატივა, რაც შეიძლება მალე განხორციელდეს! ეს ბაღნარი ჩვენი პატრიარქის სიცოცხლეშივე უნდა გაშენდეს- მისი უდიდესი ღვაწლის პატივსაცემად“- აღნიშნავს ანზორ ბაბუხადია.