ზუგდიდში, ყოფილი საკონსერვოს ტერიტორიაზე, ბუკიას ქუჩაზე მდებარე მრავალსართულიანი კორპუსის მაცხოვრებლებმა განაცხადეს, რომ მიმდინარე წლის იანვრის თვეში მერიის ინიციატივით კორპუსის სახურავის გამოცვლა დაიწყო. კორპუსის მაცხოვრებლების განცხადებით, სამუშაოების შესრულებისას მოსულმა წვიმამ მეცხრე სართულზე მათი საცხოვრებელი ფართი დააზიანა, წვიმამ ჭერი ჩამორეცხა და დაზიანებული ადგილები შესაკეთებელია. დაზარალებული მოსახლეების განცხადებით, ისინი ქალაქის მერს ირაკლი გოგოხია შეხვდნენ, მიიღეს პირობა, რომ ზარალს აანაზღაურებდნენ ან დაზიანებულ ინფრასტრუქტურას მოაწესრიგებდნენ, თუმცა მათი განცხადებით, ამ დრომდე არც ერთი პირობა არ შესრულებულა.აღნიშნულთან დაკავშირებით ტელეკომპანია “ოდიში” სიტუაციის გარკვევას ქალაქის მერიაში შეეცადა. მერიის საზოგადოებასთან და მედიასთან ურთიერთობის სამსახურის უფროსმა მაია ღუბელაძემ ტელეკომპანიას  სატელეფონო კომენტარი მისცა.დაზარალებული მოქალაქეების განცხადებით, დაზიანებული ადგილები აუცილებლად უნდა შეკეთდეს, ისინი ადგილობრივი ხელისუფლების წარმომადგენლებთან ამ თემაზე შეხვედრას მომავალში არ გამორიცხავენ.