კონექტიკუტის შტატში მდებარე აშშ-ის სანაპირო დაცვის აკადემიაში, 7 მარტს ტრაგიკულად დაღუპული ქართველი კურსანტების, სოსო მაკარიძისა და ბესო გორჯოლაძის ხსოვნისადმი მიძღვნილი ცერემონია გაიმართა. ღონისძიების ფარგლებში ქართველ კურსანტებს სამხედრო პატივი მიაგეს.
საგარეო საქმეთა სამინისტროს ინფორმაციით, ცერემონიას ათასამდე კურსანტი და მოწვეული სტუმარი დაესწრო. ღონისძიებას დაღუპული კურსანტების ოჯახის წევრები, ნიუ-იორკში საქართველოს კონსული დიანა ჟღენტი, აშშ-ის შინაგან საქმეთა და უსაფრთხოების მდივანი ჯეი ჯონსონი, სენატორი ბლუმენტალი, აკადემიის რექტორი ადმირალი სტოცი და სხცა ოფიციალრი პირები ესწრებოდნენ.
დამსწრე საზოგადოებას სიტყვით მიმართეს საქართველოს დესპანმა, გიორგი ხელაშვილი და აშშ-ს მხრიდან ოფიციალურმა წარმომადგენლებმა.
აშშ-ის სანაპირო დაცვის აკადემიაში ტრაგიკულად დაღუპულ ქართველ კურსანტებს სამხედრო პატივი მიაგეს
Published on