ამერიკის პრეზიდენტმა, ჯო ბაიდენმა და გერმანიის კანცლერმა, ოლაფ შოლცმა მოუწოდეს რუსეთს, განიმუხტოს დაძაბულობა უკრაინის საზღვართან. ამ თემაზე გერმანიის მთავრობის სპიკერმა განცხადება ორ ლიდერს შორის სატელეფონო საუბრის შემდეგ გააკეთა.
ბაიდენიც და შოლციც ამტკიცებენ, რომ უკრაინაში სიტუაცია “უკიდურესად სერიოზულია”, რადგან რუსული სამხედრო აგრესიის რისკი ჯერ ისევ არსებობს. მათივე თქმით, უკრაინის საზღვრიდან რუსული ჯარების მნიშვნელოვანი გაყვანა არ დაფიქსირებულა.
რუსეთის თავდაცვის სამინისტრო აცხადებს, რომ მისი ძალები ბელარუსთან ერთად ჩატარებული წვრთნების შემდეგ უკან იხევენ. მათ ვიდეოც გამოაქვეყნეს, სადაც ჩანს, რომ ტანკები და საბრძოლო მანქანები ტოვებენ ყირიმს.
ლიდერებმა ხაზი გაუსვეს ნატო-ს აღმოსავლეთ ფლანგის გაძლიერების მნიშვნელობას მოსკოვის შეჭრის შემთხვევაში.