შეიქმნას 5 ივლისის მოვლენების შემსწავლელი საგამოძიებო კომისია – ამ მოთხოვნით ფრაქცია “რეფორმების ჯგუფი” პარლამენტს კიდევ ერთხელ მიმართავს.
პროექტის მიხედვით ჯგუფის წევრები დეტალურად განიხილავენ ვინ და რატომ დაესხა თავს მედიის წარმომადგენლებს, ვინ წაახალისა ჰომოფობიურად განწყობილი ჯგუფები, შეუწყვეს თუ არა მათ დანაშაულებრივ ქმედებებს ხელი საჯარო მოხელეთა განცხადებებმა და როგორ დაირღვა ადამიანის უფლებები.
“მთავარი მიზანია ერთი მხრივ შსს-ს უმოქმედობის შესწავლა, რომელმაც ვერ შეძლო პრევენცია მოეხდინა ამ თავდასხმის და ვერ დაიცვა მოძალადეებისგან ჟურნალისტები. იმავდროულად, ჩვენ უნდა დავადგინოთ რამდენად არის სინქრონში ეს ორგანიზებული ძალადობრივი ჯგუფი კრემლთან, იქნება ეს ფინანსური თუ სხვა მოტივები”, – თქვა დეპუტატმა თეონა აქუბარდიამ.
საგამოძიებო კომისიის შესაქმნელად 50 დეპუტატის ხმაა საჭირო.