რუსეთის მოსალოდნელი შეჭრის გამო უკრაინას პრო-რუსი ოლიგარქები და ბიზნესმენები ჩარტერული რეისებით ტოვებენ. ამის შესახებ ინფორმაციას ადგილობრივი მედია ავრცელებს.

მათი ცნობით, მხოლოდ კვირას კიევი 20-მდე ჩარტერმა და კერძო თვითმფრინავმა დატოვა. მედია წერს, რომ კერძო ლაინერებს შორის, რომლებიც კიევიდან ევროპაში მიფრინავენ, რენატ ახმეტოვისა და ბორის კოლესნიკოვის თვითმფრინავებიც იყო. მოგვიანებით, კოლესნიკოვმა “ფეისბუქზე” მისი წასვლის შესახებ ინფორმაცია უარყო და დაწერა, რომ 1 მარტამდე წასვლას არ აპირებს.

უკრაინული წყაროების ცნობით, კერძო 50 ადამიანისთვის განკუთვნილი თვითმფრინავი შეუკვეთა მილიონერმა იგორ აბრამოვიჩმა, რომელიც რადაში ფინანსების საკითხს კურირებს.