“თუ რუსეთი უკრაინაში შეიჭრება, ჩრდილოეთის ნაკადი 2″-ის გაზსადენი აღარ იქნება და ჩვენ ამას ბოლომდე მივიყვანთ” – ამის შესახებ ამერიკის შეერთებული შტატების პრეზიდენტმა, ჯო ბაიდენმა, გერმანიის კანცლერ ოლაფ შულცთან თეთრ სახლში გამართულ შეხვედრაზე განაცხადა.
ბაიდენის თქმით,შეხვედრის მთავარი თემა უკრაინის წინააღმდეგ რუსეთის მუქარის შეკავებისა და წესებზე დაფუძნებული საერთაშორისო წესრიგის გრძელვადიან პრინციპებზე შეთანხმება იყო.
“იმ შემთხვევაში, თუ რუსეთი უკრაინაში შემდგომ შეჭრაზე გააკეთებს არჩევანს, ჩვენ ერთობლივად ვართ მზად ამისთვის და ნატო მზადაა ამისთვის. თუ რუსეთი შემოიჭრება – ეს ნიშნავს, რომ ტანკები ან ჯარები ისევ გადაკვეთენ უკრაინის საზღვრებს. მაშინ ჩვენ მივიღებთ გადაწყვეტილებას და აღარ იქნება “ჩრდილოეთის ნაკადი 2″, და ამას ბოლომდე მივიყვანთ”, – თქვა ბაიდენმა.
ლიდერებმა ერთობლივად აღნიშნეს, რომ მზად არიან მჭიდროდ ითანამშრომლონ ჩინეთის მიერ წამოჭრილ გამოწვევებზე და გააგრძელონ სტაბილურობისა და კეთილდღეობის ხელშეწყობა დასავლეთ ბალკანეთში.