ბელარუსიის, უკრაინის, საქართველოსა და მოლდოვას სუვერენიტეტს პატივი უნდა ვცეთ, – ამის შესახებ საფრანგეთის პრეზიდენტი, ემანუელ მაკრონმა ვლადიმერ პუტინთან შეხვედრის შემდეგ განაცხადა. მისი თქმით, ამ ქვეყნების დამოუკიდებლობა და სუვერენტეტის დაცვა კოლექტიური უსაფრთხოების ნაწილია.
ჩვენ გვჭირდება პროცესები, რომლებიც დაფუძნებულია გამჭვირვალობაზე, დეესკალაციაზე. ჩვენ უნდა ავაშენოთ უსაფრთხოება იმ სახელმწიფოების სუვერენიტეტისა და დამოუკიდებლობის პატივისცემით, რომლებიც არ არიან ევროკავშირის ან ნატოს წევრები, მაგრამ მდებარეობენ რეგიონში. ბელარუსი, უკრაინა, საქართველო და მოლდოვა – ქვეყნები, რომელთა სუვერენიტეტსა და დამოუკიდებლობას პატივი უნდა ვცეთ, რადგან ესეც ჩვენი კოლექტიური უსაფრთხოების ნაწილია,- განაცხადა მაკრონმა.