რუსეთის მხრიდან სამხედრო მოქმედებების საფრთხის ფონზე, შეერთებული შტატების პრეზიდენტის, ჯო ბაიდენის განკარგულებით, ამ კვირაში აშშ ევროპაში დამატებით ჯარს  გაგზავნის.

თეთრი სახლის ოფიციალური პირების განცხადებით, 2 000-მდე ჯარისკაცი ჩრდილოეთ კაროლინადან პოლონეთსა და გერმანიაში გაიგზავნება, ხოლო ამჟამად გერმანიაში მყოფი 1 000 ჯარისკაცი რუმინეთში გადავა.

მანამდე, 26 იანვარს ცნობილი გახდა, რომ 8 500-მდე ამერიკელი ჯარისკაცი გაძლიერებულ მზადყოფნაშია მოყვანილი აღმოსავლეთ ევროპაში შესაძლო განლაგების გამო.