ზუგდიდში ქალზე ძალადობის ბრალდებით დაკავებულ სამართალდამცველს დღეს ბრალი წარედგინა. ბრალდებულის უფლებადამცველის თქმით, დაკავებულს ბრალი სისხლის სამართლის კოდექსის 126-ე მუხლის პირველი ნაწილით წარედგინა, რაც გულისხმობს ცემას ან სხვაგვარ ძალადობას, რამაც დაზარალებულის ფიზიკური ტკივილი გამოიწვია. ბრალდებული ამ ეტაპზე დუმილის უფლებას იყენებს. ბრალდებულის უფლებადამცველის ინფორმაციით ცნობილი ხდება ისიც, რომ დაზარალებულს პრეტენზია არ აქვს.
25 იანვარს, სოციალურ ქსელში გავრცელდა ვიდეო, სადაც ასახულია თუ როგორ ძალადობს პოლიციის ფორმაში გამოწყობილი მამაკაცი ქალზე. გუშინ კი, საქართველოს პროკურატურამ ქალაქ ზუგდიდში ქალზე განხორციელებული ძალადობის ფაქტზე პოლიციის თანამშრომელი დააკავა.