NATO-ს გენერალური მდივანი, იენს სტოლტენბერგი პირდაპირ ამბობს, რომ რუსეთმა უნდა გაიყვანოს საკუთარი ძალები უკრაინიდან, საქართველოდან და მოლდოვიდან, სადაც ისინი ამ ქვეყნების თანხმობის გარეშე არიან განთავსებულნი.
“რუსეთმა თავი უნდა შეიკავოს სამხედრო იძულებითი მუქარებისაგან, აგრესიული რიტორიკისგან და მავნე ქმედებებისაგან, რომლებიც მიმართულია მოკავშირეებისა და სხვა ქვეყნების წინააღმდეგ. რუსეთმა უნდა გაიყვანოს საკუთარი ძალები უკრაინიდან, საქართველოდან და მოლდოვიდან, სადაც ისინი ამ ქვეყნების თანხმობის გარეშე არიან განთავსებულნი”,- განაცხადა სტოლტენბერგმა.
მისი თქმით, ყველა ქვეყანას აქვს უფლება თავად განსაზღვროს საკუთარი უსაფრთხოების სტრუქტურა.