სამეგრელო ზემო სვანეთის გუბერნიასთან შეზღუდული შესაძლებლობების მქონე პირების მხარდასაჭერი აქცია გაიმართა, სახელწოდებით ,,არა ძალადობას!” აქცია მცირე ინციდენტით დაიწყო, ,,დროას” ადგილობრივ ხელმძღვანელს – მარიამ სიჭინავას პოლიციელები არ აძლევდნენ წარწერის გაკეთების უფლებას, რასაც ურთიერთშელაპარაკება მოჰყვა. აქტივისტებმა ადგილზე პლაკატები მიიტანეს, წარწერით ,,ჩვენც ამ საზოგადოების ნაწილი ვართ” ,,ნუ დაჩაგრავ” ,,სისტემა კლავს”.
24 იანვარს სოციალურ ქსელში ვიდეო გავრცელდა, რომელშიც ჩანს, როგორ ძალადობს პოლიცია შეზღუდული შესაძლებლობების მქონე პირზე. სწორედ ეს გახდა საქართველოს მასშტაბით მასიურად საპროტესტო ტალღის დაწყების მიზეზი.