ნატო რუსეთს მოუწოდებს, წვრთნების დროს საერთაშორისო ვალდებულებები დაიცვას

ნატო რუსეთს საერთაშორისო ვალდებულებების დაცვისკენ მოუწოდებს. განცხადება რუსეთის მიერ დაგეგმილი წვრთნების შესახებ, რომელიც სტარტს 14 სექტემბერს აიღებს, ნატო-ს გენერალურმა მდივანმა ესტონეთში გააკეთა. „რუსეთმა უნდა დაიცვას ვენის დოკუმენტი. აუცილებელია წვრთნების შესახებ ბრიფინგები და სამხედრო მოსამსახურეებთან გასაუბრების შესაძლებლობა, წვრთნებზე მონიტორინგის განხორციელებისთვის პირობების შექმნა. ვენის დოკუმენტი წვრთნების ტრანსპარენტულობას და პროგნოზირებადობას უწყობს ხელს. მისი დაცვა აუცილებელია“, – აცხადებს იენს სტოლტენბერგი. ნატო-ს გენერალური მდივანი ბალტიისპირეთის ქვეყნების უსაფრთხოების დაცვაზე საუბრობს. „ჩვენ ვიქნებით ყურადღებით და უზრუნველვყოფთ ესტონეთის, ჩვენი წევრებისა და მოკავშირეების უსაფრთხოებას“, – აცხადებს იენს სტოლტენბერგი. ეუთო-ს ვენის დოკუმენტის თანახმად, თუ ეუთო-ს წევრ სახელმწიფოს სამხედრო წვრთნებზე 13 000-ზე მეტი სამხედრო მოსამსახურე გამოჰყავს, ვალდებულია ორგანიზაციის წევრები გააფრთხილოს, დეტალური ინფორმაცია მიაწოდოს და დაუშვას მონიტორები. ნატო-ს გენერალური მდივანი, ესტონეთის პრემიერთან ერთად, სამხედრო ბაზაზე იმყოფებოდა. ტაპას სამხედრო ბაზა რუსეთის საზღვრიდან 120 კილომეტრში მდებარეობს. განცხადება რუსული წვრთნების შესახებ იური რატამაც გააკეთა. „გამოვთქვამთ შეშფოთებას დაგეგმილი წვრთნების გამო. ყურადღებით დავაკვირდებით სამხედრო წვრთნებს და მზად ვართ ნებისმიერი სიტუაციისთვის“, – აცხადებს ესტონეთის პრემიერი.

ნატო რუსეთს მოუწოდებს, წვრთნების დროს საერთაშორისო ვალდებულებები დაიცვას

სიახლეები

კრემლის დეზინფორმაციის გავრცელებისთვის ბრიტანეთმა საქართველოს 4 მოქალაქე დაასანქცირა

ესტონეთმა მისი ტერიტორიის გავლით რუსული და ბელარუსული მარცვლეულის ტრანზიტი აკრძალა

flydubai-ს რეისის ბორტზე მყოფ ოთხ პირს, მათ შორის ქართველ ექიმს, საპრეზიდენტო ჯილდოზე წარადგენენ

შემთხვევა კახეთში – მიკროავტობუსი, რომელსაც 15 მოსწავლე გადაჰყავდა, ავარიაში მოყვა