ყაზახეთის პრეზიდენტმა გაფრთხილების გარეშე ცეცხლის გახსნის ბრძანება გასცა. ამის შესახებ ინფორმაციას BBC ავრცელებს. მთავრობის ინფორმაციით, ყაზახეთში დაპირისპირების დროს 3 000-ზე მეტი დემონსტრანტი დააკავეს, ხოლო გარდაცვლილ მომიტინგეთა რიცხვი 26-ს შეადგენს.
პრეზიდენტ თოყაევის თქმით, ქვეყნის თითქმის ყველა რეგიონში კონსტიტუციური კონტროლი აღდგენილია და სიტუაციას ადგილობრივი მთავრობა აკონტროლება.
რუსული თავდაცვის ძალები, ყაზახეთის პრეზიდენტის მოთხოვნის საფუძველზე, უკვე ქვეყანაში არიან განლაგებული.
მედიის ინფორმაციით, თალდიყორღანში შენობების ნაწილი იწვის. შინაგან საქმეთა სამინისტროს ცნობით, 26 “შეიარაღებული კრიმინალი” და 18 უსაფრთხოების ოფიცერი დაიღუპა. ქვეყანაში ამ დრომდე შეფერხებულია ინტერნეტის მიწოდება მოსახლეობისთვის. დაკავებულია 3 ათასზე მეტი დემონსტრანტი.