UNESCO-მ “ტვ პირველის” გარდაცვლილი ოპერატორი 2021 წელს მოკლულ ჟურნალისტთა სიაში შეიყვანა. მონაცემები ორგანიზაციის ვებგვერდზ ეგამოქვეყნდა. ინფორმაციაში აღნიშნულია, რომ ლაშქარავამ დაზიანებები 5 ივლისის ძალადობრივი მოვლენების დროს მიიღო.
ალექსანდრე ლაშქარავა მუშაობდა “ტვ პირველზე” და ის იყო მედიის 50 წარმომადგენელს შორის, რომლებმაც სერიოზული დაზიანებები მიიღეს 5 ივლისის ძალადობრივი მოვლენების დროს, როცა ლგბტქ აქტივისტებს თავს დაესხნენ თბილისში. ის 11 ივლისს სახლში გარდაიცვალა”, – აღნიშნულია ინფორმაციაში.
შეგახსენებთ, რომ ლექსო ლაშქარავა 5 ივლისუის მოვლენების დროს ჰომოფობიური და რადიკალური ჯგუფების მხრიდან ძალადობის მსხვერპლი გახდა. მან მძიმე დაზიანებები მიიღო. თავდასხმიდან რამდენიმე დღეში, 11 ივლისს ლაშქარავა საკუთარ სახლში დედამ გარდაცვლილი იპოვა.
UNESCO-ს მონაცემების მიხედვით, 2021 წელს მსოლფიოში 55 ჟურნალისტი მოკლეს, ხოლო 1993 წლიდან მოკლულ ჟურნალისტთა რაოდენობა 1490-ს შეადგენს.