სახალხო დამცველის ეგიდით შექმნილ კონსილიუმის ექიმები  აცხადებენ, რომ სააკაშვილის ციხეში დაბრუნება კანონდარღვევაა – რადგან  ციხეში მას სათანადო მკურნალობა ვერ ჩაუტარდება.

როგორც მე ვიცი, ფსიქონევროლოგიური მკურნალობა არ დაწყებულა საერთოდ და მე მაინც შემიძლია ვთქვა, რომ ნაადრევი იქნებოდა ახლა სააკაშვილის რუსთავში გადაყვანა – ამბობს კონსილიუმის წევრი, ექიმი გიორგი გეგელია 

რაც შეეხება თითონ იმ ადგილობრივ ექიმს, რომელმაც დაწერა ფორმა 100, მე მინდა ჩემი პირადი აზრი გამოვთქვა: ფორმა 100 გაწერა ისე, რომ არ შეატყობინა არც პაციენტს და არცერთ კონსილიუმს, ცოტა უცნაურად გამოიყურებაა.

თუ  ამ დასკვნის დაწერა იძულებით, გარკვეული სტრუქტურების ზეწოლით  მოხდა,  ეს რა თქმა უნდა, ექიმზეა, მას შეუძლია გაასაჯაროოს და ნათელი მოჰფინოს ყველაფერს, – თქვა მედიკოსმა გიორგი გრიგოლიამ. 

სპეცილისტების თქმით, იმ შემთხვევაში თუ მიხეილ სააკაშვილი პროტესტის ნიშნად შიმშილობას ხელმეორედ გამოაცხადებს, ეს მისთვის დამღუპველი იქნება.

N 12 პენიტენციურ დაწესებულებაში მესამე პრეზიდენტის ადვოკატები არიან  შესული, სწორედ მათ უნდა გამოიტანონ ინფორმაცია პრეზიდენტის ჯანმრთელობის მდგომარეობის შესახებ და  იძალადეს თუ არა მასზე ფიზიკურად რუსთავის ციხეში გადაყვანის დროს –  . 

გორის ჰოსპიტლიდან მიხეილ სააკაშვილის გატაცების შესახებ ამ დრომდე არცერთ შესაბამის უწყებას განმარტებები არ გაუკეთებია.